Orozkoko eraikin bereziak: MUSEOA
Orozkoko museo etnografikoa eta Turismo bulegoa jauregi barroko batean daude, XVIII. mendekoa, zein Legorburu jauregi-etxea edo Kareaga etxeaz ezaguna da. Hala ere, jauregi horri Plazako Dorrea edo Olarte Dorrea izenez ezagutzen zitzaion. Ondorioz, gaur egungo eraikinaren aurretik, Aranguren jauregiaren tipologia antzeko zuen jauregi errenazentista bat egon omen zen, familia horren jabegokoa. Ez dakigu nola pasa zen Legorburu/Landaberde familiaren jabegokoa izatera, ez eta horietako zeinek agindu zuen gaur egun ikus dezakegun jauregi barrokoa eraikitzea ere. Edonola ere, hautagai sendo bat dago: Legorburu Atxoaren Landaberdeko Juan Antonio, Arrankudiagan, bere jatorrizko herrian, Erregidore Fidela (1698) kargua eta Bizkaiko Diputatu Nagusia (1702-1704) kargua izan zituen pertsonaia. Hain zuzen ere, jauregiko fatxadan Legorburu eta Landaberderen armarriak daude.
Eraikina Zubiaurreko plazan dago, udaletxetik gertu. Harlangaitz-hormekin prestatuta dago, eta baoak eta ertzak harlanduzko lanekin sendotuta daude. inposta-lerroez bereizitako hiru altueraz osatzen da. Gerora, udaletxeak eredu hori kopiatu zuen. Lau isurkiko estalkia du. fatxada nagusiko boak hiru ardatzekin ordenatzen dira, forjatze barrokoko balkoiekin lehen eta bigarren solairuetan. Fatxada nagusiko Legorburu eta Landaberde armarriak ere barrokoak dira. Baina tipologia sinpleko jauregia da.